Error message

  • Deprecated function: Methods with the same name as their class will not be constructors in a future version of PHP; views_display has a deprecated constructor in require_once() (line 3097 of /home/janashakthi/public_html/includes/bootstrap.inc).
  • Deprecated function: Methods with the same name as their class will not be constructors in a future version of PHP; views_many_to_one_helper has a deprecated constructor in require_once() (line 113 of /home/janashakthi/public_html/sites/all/modules/ctools/ctools.module).

’ಗ್ಯಾಸ್ ಸಬ್ಸಿಡಿ ಬಿಡಿ’ ಎಂಬ ಮೋದಿ ಸರಕಾರದ ಪ್ರಚಾರ ಸರಿ ಇದೆಯಲ್ಲ.

ಸಂಪುಟ: 
9
ಸಂಚಿಕೆ: 
32
date: 
Sunday, 2 August 2015

ಅನುಕೂಲಸ್ತರು ’ಗ್ಯಾಸ್ ಸಬ್ಸಿಡಿ ಬಿಡಿ’ ಎಂಬ ಮೋದಿ ಸರಕಾರದ ಪ್ರಚಾರ ಸರಿ ಇದೆಯಲ್ಲ. ಸರಕಾರ ಹೇಳಿದಂತೆ ಅನುಕೂಲಸ್ತರು ಅಡಿಗೆಗ್ಯಾಸ್ ಸಬ್ಸಿಡಿ ಬಿಟ್ಟರೆ ಇನ್ನೂ ಹೆಚ್ಚು ಬಡವರಿಗೆ ಸಬ್ಸಿಡಿಕೊಡಬಹುದಲ್ಲ

ಭಾರತಿ ಗಾಂವ್ಕರ್, ಬೆಂಗಳೂರು ?

Gas Subsidyಅನುಕೂಲಸ್ತರು ಗ್ಯಾಸ್ ಸಬ್ಸಿಡಿ ಬಿಟ್ಟರೆ ಅದನ್ನು ಬಡವರಿಗೆ ಕೊಡಬಹುದು ಎಂಬ ಹೇಳಿಕೆಯ ವಾಸ್ತವ ನೋಡೋಣ. ಗ್ಯಾಸ್ ಸಬ್ಸಿಡಿ ನೀತಿ ಜಾರಿಯ ಪ್ರಕ್ರಿಯೆಯಲ್ಲಿ ಇದಕ್ಕೆ ಅವಕಾಶವಿಲ್ಲ. ಕೇಂದ್ರೀಯ ಬಜೆಟಿನಲ್ಲಿ ನಿಗದಿತ ಹಣವನ್ನು ಗ್ಯಾಸ್ ಸಬ್ಸಿಡಿಗೆ ತೆಗೆದಿರಿಸಲಾಗಿದೆ. ಗ್ಯಾಸ್ ಸಬ್ಸಿಡಿ ಪಡೆಯಲು ನಿಗದಿತ ದಾಖಲೆಗಳನ್ನು ಕೊಡಬೇಕೆಂದು ವಿಧಿಸಲಾಗಿದೆ. ಈ ದಾಖಲೆಗಳನ್ನು ಕೊಟ್ಟ ಎಲ್ಲರಿಗೂ ಸಬ್ಸಿಡಿ ಕೊಡಬೇಕೆಂಬುದು ನೀತಿ. ಆದ್ದರಿಂದ ಒಬ್ಬರು ಬಿಟ್ಟರೆ ಇನ್ನೊಬ್ಬರಿಗೆ ಸಬ್ಸಿಡಿ ಸಿಗುತ್ತದೆ ಎಂಬುದು ಸತ್ಯಕ್ಕೆ ದೂರವಾದದು. ಇದು ಒಟ್ಟು ಸಬ್ಸಿಡಿ ಖರ್ಚನ್ನು ಕಡಿಮೆ ಮಾಡುವ ವಿಧಾನವಷ್ಟೆ.

ಒಟ್ಟು ಸಬ್ಸಿಡಿ ಕಡಿತ ಮಾಡಲು ಸರಕಾರ ಹಲವು ವಿಧಾನಗಳನ್ನು ಅನುಸರಿಸುತ್ತಿದೆ. ಇದೂ ಒಂದು ವಿಧಾನವಷ್ಟೆ. 2014-15ರಲ್ಲಿ ಗ್ಯಾಸ್ ಸಬ್ಸಿಡಿಗೆ ತೆಗೆದಿರಿಸಿದ್ದ ಹಣವನ್ನು 2015-16ರ ಬಜೆಟಿನಲ್ಲಿ ಅರ್ಧದಷ್ಟು (ಶೇ. 50) ಕಡಿತ ಮಾಡಿದೆ. ಆಗ ಇದಕ್ಕೆ ಸರಕಾರ ಕೊಟ್ಟಿರುವ ಸಮಜಾಯಿಷಿ ಅಂತರ್ರಾಷ್ಟ್ರೀಯ ತೈಲ ಬೆಲೆ ಹಿಂದಿನ ವರ್ಷ ಪ್ರತಿ ಬ್ಯಾರೆಲಿಗೆ 110 ಡಾಲರು ಇದ್ದಿದ್ದು 59 ಡಾಲರಿಗೆ ಇಳಿದಿದೆ. ಈಗ ಬೆಲೆ ಪ್ರತಿ ಬ್ಯಾರೆಲಿಗೆ 55 ಡಾಲರಿಗೆ ಇಳಿದಿದೆ. ಆದ್ದರಿಂದ ಸಬ್ಸಿಡಿ ಒತ್ತಟ್ಟಿಗಿರಲಿ ಒಂದು ತೈಲ ಉತ್ಪನ್ನವಾಗಿರುವ ಅಡುಗೆ ಗ್ಯಾಸ್ ಬೆಲೆ ಅರ್ಧ ಕ್ಕೆ ಯಾಕೆ ಇಳಿದಿಲ್ಲ? ಇಲ್ಲೇ ಮೋದಿ ಸರಕಾರ ಮಾತ್ರವಲ್ಲ ಹಿಂದಿನ ಎಲ್ಲಾ ಸರಕಾರಗಳು ತೈಲ ಮತ್ತು ಅದರ ಉತ್ಪನ್ನಗಳ ಬೆಲೆಯ ಬಗ್ಗೆ ಹೇಳುತ್ತಾ ಬಂದಿರುವ ಹಸಿ ಸುಳ್ಳು ಬಯಲಾಗುವುದು.

ಭಾರತದ ತೈಲ ಮತ್ತು ಅಡುಗೆ ಗ್ಯಾಸ್ ನಂತಹ ಅದರ ಉತ್ಪನ್ನಗಳ ಬೆಲೆಯಲ್ಲಿ ಕೇಂದ್ರ/ರಾಜ್ಯ ಸರಕಾರಗಳು ವಿಧಿಸುವ ಭಾರೀ ತೆರಿಗೆ ಸೇರಿದೆ. ಭಾರತದ ತೈಲ ಬೆಲೆ ಅಂತರ್ರಾಷ್ಟ್ರೀಯ ಬೆಲೆಯ ಸುಮಾರು ಇಮ್ಮಡಿ ಇದೆ. ಅಂತರ್ರಾಷ್ಟ್ರೀಯ ಬೆಲೆ ಹೆಚ್ಚಾದಾಗ ಅಷ್ಟೇ ಹೆಚ್ಚಾಗುತ್ತದೆ. ಆದರೆ ಅದು ಕಡಿಮೆಯಾದಾಗ ಅಷ್ಟೇ ಕಡಿಮೆಯಾಗುವುದಿಲ್ಲ. ತೈಲ ಕಂಪನಿಗಳಿಗೆ ನಷ್ಟವಾಗುತ್ತದೆ ಎಂಬ ಬೊಗಳೆ ಸಹ ಅಂಕೆ-ಸಂಖ್ಯೆಗಳ ಕಸರತ್ತು. ನಿಜವಾಗಿಯೂ ಹೇಳಬೇಕೆಂದರೆ ಭಾರತ ಸರಕಾರಕ್ಕೆ ತೈಲ ಒಟ್ಟು ಆದಾಯದ ಒಂದು ಮೂಲ. ಈ ಅರ್ಥದಲ್ಲಿ ಗ್ಯಾಸ್‌ಗೆ ಸಬ್ಸಿಡಿ ಕೊಡಲಾಗುತ್ತಿದೆ ಎಂಬುದೇ ದೊಡ್ಡ ಬುರುಡೆ. ಮಾರಾಟ ಬೆಲೆಯನ್ನು ನಿಜವಾದ ಬೆಲೆಗಿಂತ ಹೆಚ್ಚಿಗೆ ತೋರಿಸಿ ಸಬ್ಸಿಡಿ ಕೊಡುತ್ತೇವೆ ಎಂಬ ನಾಟಕ ಆಡುತ್ತಿದೆ ಸರಕಾರ. ಮೂಲ ಬೆಲೆಯನ್ನು ಏರಿಸಿ ದೊಡ್ಡ ಸ್ಟೋರುಗಳು ಮಾಲ್‌ಗಳು ’50% ಡಿಸ್ಕೌಂಟ್ ಆಫರ್’ ಕೊಡುವಂತೆ!

’ಸಬ್ಸಿಡಿ’ ದರದಲ್ಲಿಯೇ ಗ್ಯಾಸ್ ಸಿಲಿಂಡರ್ ಪೂರೈಸುತ್ತಿದ್ದ ಪದ್ಧತಿ ನಿಲ್ಲಿಸಿ, ಮಾರುಕಟ್ಟೆ ಬೆಲೆಯಲ್ಲಿ ಗ್ಯಾಸ್ ಸಿಲಿಂಡರ್ ಪೂರೈಸಿ, ಸಬ್ಸಿಡಿ ಮೊತ್ತ ’ನೇರ ಬ್ಯಾಂಕಿಗೆ ಕ್ಯಾಶ್’ ಕಳಿಸುವ ಪದ್ಧತಿ ಜಾರಿ ಮಾಡಿದ್ದು ಬೋಗಸ್ ಗ್ರಾಹಕರನ್ನು ತೆಗೆದು ಹಾಕಲು ಎಂದು ಸರಕಾರ ಹೇಳುತ್ತದೆ. ಈ ಪದ್ಧತಿ ತಂದ ಮೇಲೆ ಸುಮಾರು 2 ಕೋಟಿಗೂ ಹೆಚ್ಚು ’ಬೋಗಸ್’ ಗ್ರಾಹಕರನ್ನು ತೆಗೆದು ಹಾಕಲಾಗಿದೆ ಎಂದು ಸರಕಾರ ಹೇಳುತ್ತದೆ. ಈ ಪದ್ಧತಿಯ ಪ್ರಕಾರ ಗುರುತಿನ ಪತ್ರ, ತಮ್ಮ ಹೆಸರಲ್ಲಿ ವಿಳಾಸ ಪ್ರೂಫ್ (ಕರ್ನಾಟಕದಲ್ಲಿ ವಿದ್ಯುತ್ ಬಿಲ್) ಮತ್ತು ಬ್ಯಾಂಕ್ ಅಕೌಂಟು ಕೊಡಲಾಗದೆ ತೆಗೆದು ಹಾಕಲಾದ ಗ್ರಾಹಕರು ಬಡವರೇ ಆಗಿರುವ ಸಾಧ್ಯತೆ ಅತಿ ಹೆಚ್ಚು. ಗ್ಯಾಸ್ ವಿತರಕರ ಜತೆ ಶಾಮೀಲಾಗಿದ್ದ ಬೋಗಸ್ ಗ್ರಾಹಕರು ಈ ದಾಖಲೆಗಳನ್ನು ದೊರಕಿಸಿಕೊಳ್ಳುವ ಸಾಮರ್ಥ್ಯ ಇರುವವರೇ. ಹಲವರು ಹಿಂದೆಯೂ ಈಗಲೂ ’ನೈಜ’ ಗ್ರಾಹಕರ ದಾಖಲೆಗಳನ್ನು ಬಳಸಿಯೇ ಮೋಸ ಮಾಡುತ್ತಿದ್ದದ್ದು. ಆಧ್ದರಿಂದ ಅದನ್ನು ಮುಂದುವರೆಸಿರುವ ಸಾಧ್ಯತೆಯೇ ಹೆಚ್ಚು.

ಸಬ್ಸಿಡಿ ಮೊತ್ತ ’ನೇರ ಬ್ಯಾಂಕಿಗೆ ಕ್ಯಾಶ್’ ಪದ್ಧತಿ ಮುಂದೊಂದು ದಿನ ಸರಕಾರದ ಬಳಿ ಹಣ ಇಲ್ಲ ಎಂದು ಅದನ್ನು ನಿಲ್ಲಿಸುವುದನ್ನು, ಆ ಮೂಲಕ ಬೆಲೆಯನ್ನು ಸುಮಾರು ಒಂದುವರೆ ಪಟ್ಟು ಹೆಚ್ಚಿಸುವುದನ್ನು ಸುಲಭಗೊಳಿಸುತ್ತದೆ. ಈಗಾಗಲೇ ಸಬ್ಸಿಡಿ ಸಮಯಕ್ಕೆ ಬರುತ್ತಿಲ್ಲ ಅಥವಾ ಬರುತ್ತಾನೇ ಇಲ್ಲ ಎಂಬ ಹಲವಾರು ದೂರುಗಳು ಇವೆ.

’ನೇರ ಬ್ಯಾಂಕಿಗೆ ಕ್ಯಾಶ್’ ಪದ್ಧತಿ ಜತೆಗೆ ತಂದ ಒಂದು ನಿಗದಿತ ಫೋನಿನಿಂದ ಮಾತ್ರ ಗ್ಯಾಸ್ ಬುಕಿಂಗ್ ಮಾಡಲು ಸಾಧ್ಯ ಎಂಬ ನಿಯಮ ಸಹ ಇನ್ನಷ್ಟು ಬಡವರು ಈ ಕ್ಯಾಶ್ ಸಬ್ಸಿಡಿಗೆ ಮಾತ್ರವಲ್ಲ, ಗ್ಯಾಸ್ ಪಡೆಯಲೇ ಅರ್ಹರಾಗದಂತಹ ಪರಿಸ್ಥಿತಿ ಉಂಟು ಮಾಡಿದೆ. ತಮ್ಮ ಹೆಸರಲ್ಲಿ ಮನೆ ವಿಳಾಸ ಪುರಾವೆ ಕೊಡಲಾಗದವರು ಮತ್ತು ಬ್ಯಾಂಕ್ ಅಕೌಂಟು ಇಲ್ಲದವರು ಎಲ್ಲರೂ ಬಡವರೇ ತಾನೆ? ಕಾಲ್ ಸೆಂಟರ್ ಆಧಾರಿತ ಸ್ವಯಂಚಾಲಿತ ಫೋನ್ ಮೂಲಕ ಗ್ಯಾಸ್ ಬುಕಿಂಗ್ ವ್ಯವಸ್ಥೆ ಫೋನ್ ಇಲ್ಲದ ಅದನ್ನು ಬಳಸಲಾಗದ ಇನ್ನಷ್ಟು ಹೆಚ್ಚಿನ ಬಡವರನ್ನು ಆಚೆಗೆ ತಳ್ಳುತ್ತಿದೆ. ’ಸೊನ್ನೆ ಒತ್ತಿದರೆ ಗ್ಯಾಸ್ ಸಬ್ಸಿಡಿ ಬಿಟ್ಟುಕೊಟ್ಟಿದ್ದೇನೆ’ ಎಂಬ ಹೊಸ ಪದ್ಧತಿ ಗೊತ್ತಿಲ್ಲದೆ ತಪ್ಪಾಗಿ ಸೊನ್ನೆ ಒತ್ತಿದವರನ್ನು ಕ್ಯಾಶ್ ಸಬ್ಸಿಡಿಯಿಂದ ಹೊರ ಹಾಕುವ ಹುನ್ನಾರದಂತೆ ಕಾಣುತ್ತದೆ. ಈ ಥರದ ’ತಪ್ಪು’ ಬಡವರು ಮಾಡುವ ಸಾಧ್ಯತೆಯೇ ಹೆಚ್ಚು.

ಗ್ಯಾಸ್ ಸಬ್ಸಿಡಿ ಬಿಟ್ಟುಕೊಟ್ಟವರು ಕೇವಲ ಶೇ.0.35 (ಸುಮಾರು 4-6 ಲಕ್ಷ). ಇದು ಒಟ್ಟು ಸುಮಾರು 16 ಕೋಟಿ ಗ್ಯಾಸ್ ಗ್ರಾಹಕರಲ್ಲಿ ಯಾವ ಲೆಕ್ಕಕ್ಕೂ ಇಲ್ಲ. ನಿಜವಾದ ಬಡವರ ಕಡಿತ ಮಾಡುತ್ತಿರುವ ಇತರ ವಿಧಾನಗಳನ್ನು ಮುಚ್ಚಿಕೊಳ್ಳಲು ’ಗ್ಯಾಸ್ ಸಬ್ಸಿಡಿ ಬಿಡಿ’ ಎಂಬುದು ಪ್ರಚಾರ ಸ್ಟಂಟ್ ಅಷ್ಟೆ. ಅದರ ಬದಲು ಭಾರೀ ಲಾಭ ಸಂಪಾದಿಸುತ್ತಿರುವ ಕೈಗಾರಿಕೋದ್ಯಮಿಗಳಿಗೆ ’ಲಾಭ ಬಿಡಿ, ಕಾರ್ಮಿಕರ ಸಂಬಳ ಹೆಚ್ಚಿಸಿ, ಸರಕುಗಳ ಬೆಲೆ ಇಳಿಸಿ’ ಎಂಬ ಸ್ಕೀಮುಗಳನ್ನು ಏಕೆ ಮಾಡುವುದಿಲ್ಲ?