ಡಾ. ಅಂಬೇಡ್ಕರ್ ಅವರ 125ನೇ ವರ್ಷಾಚರಣೆ

ಸಂಪುಟ: 
10
ಸಂಚಿಕೆ: 
40
Sunday, 25 September 2016

“ಡಾ. ಅಂಬೇಡ್ಕರ್ ಅವರ 125ನೇ ವರ್ಷಾಚರಣೆ ಮಾಡುತ್ತಿರುವ ಇಂದು ದೇಶದ ಮುಂದೆ ಅಗಾಧ ಸಮಸ್ಯೆಗಳೂ ಸವಾಲುಗಳೂ ಇವೆ. ವರ್ತಮಾನದ ಹೆಚ್ಚಿನ ಸಮಸ್ಯೆಗಳ ಮೂಲಬೇರು ಶತಮಾನಗಳ ಜಾತಿ-ಅಸ್ಪೃಶ್ಯತೆ, ಲಿಂಗ, ವರ್ಗ ಆಧಾರಿತ ಬೇಧಭಾವ, ಅಸಮಾನತೆ ಮತ್ತು ದೌರ್ಜನ್ಯಗಳು. ಅವುಗಳನ್ನು ಹೆಚ್ಚಿಸುತ್ತಿರುವ ಹಾಗೂ ಅವುಗಳ ಆಧಾರದ ಮೇಲೆ ಆಳ್ವಿಕೆ ನಡೆಸುತ್ತಿರುವ ಮಾರುಕಟ್ಟೆ ಮತ್ತು ಧಾರ್ಮಿಕ ಮೂಲಭೂತವಾದಿಗಳ ದುಷ್ಟಕೂಟದ ಆಳ್ವಿಕೆಗೆ ಸವಾಲು ಹಾಕಬೇಕಾಗಿದೆ. ಇದಕ್ಕಾಗಿ ಜಾತಿ-ಅಸ್ಪøಶ್ಯತೆ, ಲಿಂಗ ಮತ್ತು ವರ್ಗ ಆಧಾರಿತ ಅಸಮಾನತೆಗಳ ನಾಶಕ್ಕೆ ಪಣ ತೊಟ್ಟ ಚಳುವಳಿಗಳನ್ನು ಒಟ್ಟಿಗೆ ಬೆಸೆಯಬೇಕಾಗಿದೆ. ವರ್ತಮಾನದ ಜತೆ ಮುಖಾಮುಖಿಯಾಗುವ ಡಾ. ಅಂಬೇಡ್ಕರ್ ಅವರ ಬದುಕು-ಬರಹ-ಭಾಷಣಗಳು ಪ್ರತಿನಿಧಿಸುವ ಅವರ ಚಿಂತನೆಗಳ ಮರು ಓದು ಇದಕ್ಕೆ ಹೊಸ ಹೊಳಹುಗಳನ್ನು ಕೊಡುವ ಮೂಲಕ ದೊಡ್ಡ ಕೊಡುಗೆ ಕೊಡಬಲ್ಲುದು” ಎಂದು ಸಮುದಾಯ ಈ ಉಪನ್ಯಾಸ ಮಾಲೆಯ ಆಶಯ ತಿಳಿಸುವ ಬ್ರೋಶರ್ ನಲ್ಲಿ ಹೇಳಿದೆ.

ಈ ನಿಟ್ಟಿನಲ್ಲಿ ಸಮುದಾಯ ಕರ್ನಾಟಕ ಡಾ. ಅಂಬೇಡ್ಕರ್ ಅವರ 125ನೇ ವರ್ಷಾಚರಣೆಯ ಭಾಗವಾಗಿ ತನ್ನ ಕಿರುಕಾಣಿಕೆ ಕೊಡಬಯಸಿದೆ. ವರ್ತಮಾನದ ಜತೆ ಮುಖಾಮುಖಿಯಾಗುವ ಡಾ. ಅಂಬೇಡ್ಕರ್ ಅವರ ಚಿಂತನೆಗಳ ಮರು ಓದನ್ನು ಮಾಡಬಲ್ಲ ರಾಜ್ಯದ ಪ್ರಮುಖ ಚಿಂತಕರಿಂದ ಹಲವು ವಿಷಯಗಳ ಬಗ್ಗೆ ವಿಶೇಷ ಉಪನ್ಯಾಸ ಮಾಲೆಯನ್ನು ಸಂಘಟಿಸಲು ನಿರ್ಧರಿಸಿದೆ. ಇಂತಹ 20 ವಿಶೇಷ ಉಪನ್ಯಾಸಗಳನ್ನು ಮುಂದಿನ ವರ್ಷದ ಡಾ. ಅಂಬೇಡ್ಕರ್ ಹುಟ್ಟು ಹಬ್ಬದವರೆಗೆ ರಾಜ್ಯದ 20 ಸ್ಥಳಗಳಲ್ಲಿ ಏರ್ಪಡಿಸಲಿದೆ. ಈ ಉಪನ್ಯಾಸ ಮಾಲೆಯ ಸಮಾರೋಪ ಬೆಂಗಳೂರಲ್ಲಿ ನಡೆಯಲಿದೆ. ವಿಶೇಷ ಉಪನ್ಯಾಸಗಳನ್ನು ಪುಸ್ತಕ ರೂಪದಲ್ಲಿ ತಂದು ಅಂದು ಬಿಡುಗಡೆ ಮಾಡಲಾಗುವುದು.  ಇದರ ಮೊದಲ ಹಂತವಾಗಿ ನವೆಂಬರ್ ವರೆಗಿನ 10 ವಿಶೇಷ ಉಪನ್ಯಾಸಗಳ ಕಾರ್ಯಕ್ರಮವನ್ನು ಆಖೈರುಗೊಳಿಸಿದೆ.

ವರ್ತಮಾನದ ಜತೆ ಡಾ. ಅಂಬೇಡ್ಕರ್ ಮರು ಓದಿನಲ್ಲಿ ಪಾಲುಗೊಂಡು ಯಶಸ್ವಿಗೊಳಿಸಲು ಸಮುದಾಯ ಕರೆ ನೀಡಿದೆ.

ದಿನಾಂಕ                                        ಉಪನ್ಯಾಸದ ವಿಷಯ                                                                                       ಉಪನ್ಯಾಸಕರು                              ಸ್ಥಳ

24 ಸೆಪ್ಟೆಂಬರ್                    ಸಮಕಾಲೀನ ಚರಿತ್ರೆ ರಚನೆಯಲ್ಲಿ ಅಂಬೇಡ್ಕರ್ ಮತ್ತು ದಲಿತ ಐಡೆಂಟಿಟಿಯ ಪ್ರಶ್ನೆಗಳು          ಡಾ. ಚಿನ್ನಸ್ವಾಮಿ ಸೋಸಲೆ              ಸಿಂಧನೂರು

25 ಸೆಪ್ಟೆಂಬರ್                    ಡಾ.ಅಂಬೇಡ್ಕರ್ ಅವರ ಅಭಿವೃದ್ಧಿ ಚಿಂತನೆಗಳು ಮತ್ತು ಪ್ರಸ್ತುತ ಕರ್ನಾಟಕ                         ಡಾ. ಟಿ. ಆರ್ ಚಂದ್ರಶೇಖರ             ಕುಷ್ಟಗಿ

2 ಅಕ್ಟೋಬರ್                     ಗಾಂಧಿ - ಅಂಬೇಡ್ಕರ್ : ಚಾರಿತ್ರಿಕ ಮುಖಾಮುಖಿ                                                        ಸದಾಶಿವ ಮಿರ್ಜಿ                          ಕುಂದಾಪುರ

3 ಅಕ್ಟೋಬರ್                     ಪ್ರಸ್ತುತ ಭಾರತದ ಪ್ರಜಾಸತ್ತೆ ಎದುರಿಸುತ್ತಿರುವ ಸವಾಲುಗಳು ಮತ್ತು ಅಂಬೇಡ್ಕರ್‍ಚಿಂತನೆಗಳ ಪ್ರಸ್ತುತತೆ    ಪ್ರೊ. ರಾಜೇಂದ್ರ ಚೆನ್ನಿ                    ದಾವಣಗೆರೆ

8 ಅಕ್ಟೋಬರ್                     ಡಾ. ಅಂಬೇಡ್ಕರ್ ಮತ್ತು ಮಹಿಳಾ ವಿಮೋಚನೆ                                                            ಡಾ. ವಿನಯಾ ಒಕ್ಕುಂದ                 ದಾಂಡೇಲಿ

15 ಅಕ್ಟೋಬರ್                   ಜಾತಿ-ವರ್ಗ ನಾಶದ ಚಳುವಳಿಯಲ್ಲಿ ಅಂಬೇಡ್ಕರ್ ಮತ್ತು ಮಾಕ್ರ್ಸ್ ದಾರಿಗಳು                         ಡಾ. ಬಿ.ಎಂ. ಪುಟ್ಟಯ್ಯ                   ಹಾಸನ

16 ಅಕ್ಟೋಬರ್                   ಡಾ.ಅಂಬೇಡ್ಕರ್ ಬಗ್ಗೆ ಸಂಘ ಪರಿವಾರದ ದ್ವಿಮುಖ ತಂತ್ರ ಎದುರಿಸುವುದು ಹೇಗೆ?                    ದಿನೇಶ ಅಮಿನ್‍ಮಟ್ಟು                   ರಾಯಚೂರು

21 ಅಕ್ಟೋಬರ್                   ಸ್ವಾತಂತ್ರ್ಯ ಚಳುವಳಿ ಮತ್ತು ಡಾ. ಅಂಬೇಡ್ಕರ್                                                               ಪ್ರೊ. ಮ ನ ಜವರಯ್ಯ                   ಬೆಂಗಳೂರು

22 ಅಕ್ಟೋಬರ್                   ಅಂಬೇಡ್ಕರ್ ಕನಸು ಕಂಡ ಸಮಾಜವಾದಿ ಪ್ರಜಾಪ್ರಭುತ್ವ                                                                             ಜಿ. ಎನ್. ನಾಗರಾಜ್                             ಧಾರವಾಡ

5 ನವೆಂಬರ್                       ಅಂಬೇಡ್ಕರ್ ಮತ್ತು ಸಂವಿಧಾನ ರಚನಾಕಾಲದ ಪ್ರಮುಖ ವಾಗ್ವಾದಗಳು                                  ಕೆ ಫಣಿರಾಜ                                ಅಂಕೋಲಾ